The article is presented in its original language.
Müasir şəraitdə təşkilati mədəniyyət insan resurslarının idarə edilməsinin strateji alətinə çevrilərək, müəssisənin iqtisadi fəaliyyət göstəricilərinə əhəmiyyətli təsir göstərir. Tədqiqatın məqsədi təşkilati mədəniyyətin insan resursları idarəetməsi vasitəsilə iqtisadi səmərəliliyə transformasiya mexanizmlərini aşkarlamaqdan ibarətdir. Məqalədə sistemli və müqayisəli yanaşmadan istifadə edilməklə, mədəniyyət elementlərinin əmək məhsuldarlığı, kadr sabitliyi və əməliyyat xərclərinə təsir istiqamətləri araşdırılmışdır. Nəticələr göstərir ki, təşkilati dəyərlərin iqtisadi nəticələrə çevrilməsi mürəkkəb sosial-iqtisadi proses olub, əsasən daxili kommunikasiya kanallarının keyfiyyətindən, motivasiya sistemlərinin adaptivliyindən və liderliyin iqtisadi rasional ilə mədəni normativlər arasında balans yaratmaq qabiliyyətindən asılıdır. Problemin iqtisadi mahiyyəti qeyri-maddi aktivlərin idarə edilməsi zamanı tranzaksiya xərclərinin minimallaşdırılması və əməyin əlavə dəyərinin artırılması ilə səciyyələnir.