Məqalədə uşaq və yeniyetmələrlə bağlı televiziya verilişlərinin hazırlanmasında mövcud standartların nəzəri əsasları və praktiki tətbiqləri araşdırılır. Təhlildə göstərilir ki, televiziya proqramları uşaqların psixoloji və sosial inkişafına bilavasitə təsir göstərdiyindən, onların hazırlanmasında etik, məzmun və texniki prinsiplərin qorunması vacibdir. Araşdırmada beynəlxalq təcrübə ilə Azərbaycan televiziyalarının təcrübəsi müqayisə olunur, uşaq yönümlü proqramların keyfiyyət, təhlükəsizlik və faydalılıq meyarlarına uyğunlaşdırılması yolları göstərilir. Nəticələrə əsasən, milli televiziya məkanında uşaq proqramlarının inkişafı üçün normativ-hüquqi baza, etik standartlar və ictimai monitorinq mexanizmlərinin gücləndirilməsi zəruridir.
Açar sözlər: televiziya, uşaq proqramları, yeniyetmələr, media standartları, etik prinsiplər, beynəlxalq təcrübə