Müasir şəhərlərin inkişafı XXI əsrin əvvəllərində dünyada yaranmış mühüm problemlərlə bağlıdır. Şəhər hazırda sosial məkanın qloballaşması, telekommunikasiyaların əhəmiyyətinin artması, mədəni və siyasi innovasiyaların genişlənməsi kimi makrosəviyyəli tendensiyaların kəsişdiyi və formalaşdığı strateji məkan kimi çıxış edir. Müasir iqtisadi, siyasi və sosio-mədəni prosesləri şərtləndirən bu amil şəhər həyatına birbaşa təsir göstərir. Ona görə də şəhərin sosio-mədəni vahid kimi öyrənilməsi müasir şəhər sosiologiyasının ən aktual istiqamətlərindən birini təşkil edir.